ჩინეთში ახალი ვირუსი – G4 EA H1N1 აღმოაჩინეს, რომელიც ღორიდან ადამიანზე გადავიდა

ჩინეთში აღმოაჩინეს გრიპის ახალი ტიპის ვირუსი, რომელმაც შესაძლოა, პანდემია გამოიწვიოს, – ინფორმაციას „ბიბისი“ ავრცელებს.

როგორც მეცნიერები იუწყებიან, ახალი გრიპის მატარებელი ღორები არიან, თუმცა დაავადება გადაეცემა ადამიანსაც.

მკვლევრები შიშობენ, რომ ვირუსმა შესაძლოა, მუტაცია განიცადოს და ადვილად გავრცელდეს, რასაც მორიგი პანდემია მოჰყვება.

მეცნიერთა თქმით, გრიპის ახალ ვირუსს ყველანაირი ნიშანი აქვს იმის სათქმელად, რომ მას გარემოსთან ადაპტაცია და ადამიანის დაავადება იოლად შეუძლია.

ვირუსი ახალია, ამიტომ ადამიანების უმეტესობას მასზე იმინიტეტი არ ექნება.

ვირუსის სახელწოდებაა – G4 EA H1N1. ის ადამიანების სასუნთქ გზებს აზიანებს. მეცნიერთა თქმით, ახალი ტიპის გრიპის ვირუსი უკვე დაუდასტურდათ ჩინეთში, სასაკლაოებსა და ხორცის საწარმოებში დასაქმებულ ადამიანებს.

მკვლევრები აცხადებენ, რომ გრიპის ახალი ვირუსი ამ ეტაპზე დაუყოვნებლივ რეაგირებას არ საჭიროებს, თუმცა საყურადღებოა.

1tv.ge

Share with:

Facebook


Leave a Reply

Your email address will not be published.