CNN – ი ავრცელებს ინფორმაციას, ტრამპი საქართველოს პირდება დახმარებას, იმ შემთხვევაში თუ ოლიგარქიული პოლიტიკა დასრულდება და ამას ქართველი ხალხი მოინდომებს.
დონალდ ტრამპის ადმინისტრაცია ნატო-ს კოლექტიურ ბიუჯეტში შენატანის შემცირებას გეგმავს, ხოლო დაზოგილ თანხას უკრაინასა და საქართველოში პროგრამებს მოახმარს. ამის შესახებ ინფორმაციას CNN-ი ავრცელებს.
როგორც ამერიკულ ტელეკომპანიას პენტაგონის მაღალჩინოსანმა განუცხადა, დაზოგილ თანხას აშშ ევროპაში სამხედრო და უსაფრთხოების სფეროში თავის ძალისხმევას მოახმარს.
მათივე ინფორმაციით, აქამდე აშშ-ის კონტრიბუცია ნატო-ს პირდაპირი დაფინანსების 22%-ს შეადგენდა, რაც ფარავდა შტაბ-ბინის შენახვის ხარჯებს, უსაფრთხოების სფეროში ერთობლივ ინვესტიციებს. ტრამპის ადმინისტრაციის გადაწყვეტილება კი, მეტწილად სიმბოლური ნაბიჯია, რადგან ნატო-ს პირდაპირი ბიუჯეტი შედარებით მცირეა და დაახლოებით 2,5 მილიარდ დოლარს შეადგენს.
ტელეკომპანიის ცნობით, თეთრმა სახლმა ნატო-სთან საერთო ბიუჯეტში შენატანის საკითხი უკვე შეათანხმა.
Share with:
